کانگریس کی جنرل سکریٹری پرینکا گاندھی نے بدھ کے روز کہا کہ کسان مخالف قوانین صرف کسانوں کے لیے نہیں بلکہ پورے ملک کے لیے خطرناک ہیں کیونکہ یہ قانون حکومت نے اپنے چند سرمایہ دار دوستوں کو فائدہ پہنچانے کے لیے بنائے ہیں۔
مزید پڑھیں: یوم جمہوریہ پر تشدد کے لیے امت شاہ ذمہ دار: کانگریس
یوپی کانگریس کی سرجن مہم کے تحت امیٹھی کے دکھنوارا نیائے پنچایت میں منعقدہ میٹنگ سے ویڈیو کانفرنسنگ کے ذریعہ خطاب کرتے ہوئے پرینکا گاندھی نے کہا کہ کسان مخالف قوانین کی وجہ سے پورے ملک کے کسانوں کے وجود پر بحران کھڑا ہوگیا ہے۔ یہی وجہ ہے کہ پورے ملک کے کسان گزشتہ 63 دنوں سے دارالحکومت دہلی کی سرحد پر قانون واپس لینے کے مطالبے پر جدوجہد کررہے ہیں اور اب تک اپنے 157ساتھیوں کو کھو چکے ہیں۔
انہوں نے کہا کہ امیٹھی سے ان کا سیاسی نہیں بلکہ خاندانی رشتہ ہے۔ تنظیم کی تعمیر کانگریس کی اولین ترجیح ہے۔ تنظیم کی بدولت پارٹی حکومت کی غلط پالیسیوں کی مضبوطی کے ساتھ مخالفت کرسکتی ہے اور کسانوں، بے روزگاروں اور مہنگائی کے خلاف ایک مضبوط اور فیصلہ کن لڑائی لڑسکتی ہے۔
یو این آئی
