اترپردیش کے ضلع مظفر نگر میں کانگریس کمیٹی کے ایک جائزہ اجلاس میں پہنچے ریاستی صدر اجے کمار للو نے مولانا کلیم صدیقی کی گرفتاری کو لے کر بی جے پی حکومت پر حملہ کیا اور کہا کہ 2022 اسمبلی انتخابات کے پیش نظر یوگی حکومت اس طرح کے ہتھکنڈے استعمال کررہی ہے۔
انہوں نے کہا کہ کسی کو بھی ثبوت کے بغیر گرفتار نہیں کیا جانا چاہئے۔ انہوں نے کہا کہ بغیر کسی تحقیقات اور ثبوت کے کسی کے خلاف کوئی کارrوائی نہیں ہونی چاہئے۔ انہوں نے کہا کہ بی جے پی حکومت ظلم و جبر کے ساتھ اقتدار پر قابض رہنا چاہتی ہے۔ انہوں نے کہا کہ 10 ماہ سے کسان احتجاج کررہے ہیں لیکن ان کی کوئی سنوائی نہیں ہورہی ہے۔
یہ بھی پڑھیں:مولانا کلیم صدیقی کی گرفتاری غیر آئینی ہے: آل انڈیا امامس کونسل
کانگریس کے ریاستی صدر نے کہا کہ بیروزگار نوجوان کافی پریشان ہیں جب کہ مہنگائی کی وجہ سے عام آدمی کی مشکلوں میں زبردست اضافہ ہوا ہے، ایسے میں حکومت عام لوگوں کا دھیان بھٹکانے کے لیے اس طرح کے ہتھکنڈے اختیار کررہی ہے۔ انہوں نے کہا کہ انتخابات میں عوام بی جے پی کو سبق سکھائیں گے۔
