کانگریسی رہنما اجئے کمار للو آگرہ سے گرفتار

لکھنؤ پولیس نے کانگریس کے ریاستی صدر اجے کمار للو کو اترپردیش حکومت کو بسوں کی غلط فہرست فراہم کرنے پر آگرہ سے گرفتار کیا ہے۔ دراصل اجے کمار للو کے خلاف تھانہ حضرت گنج میں متعدد دفعات میں مقدمہ درج کیا گیا ہے۔

حکومت کو بسوں کی غلط فہرست فراہم کرنے پر کانگریس کے ریاستی صدر اجے کمار للو کے خلاف حضرت گنج پولیس اسٹیشن میں ایف آئی آر درج کی گئی ہے۔

اس کے تحت لکھنؤ پولیس کی ایک ٹیم نے آگرہ سے اجے کمار للو کو گرفتار کیا ہے۔ گرفتاری کے بعد اے سی پی کرشنا ناگر دیپک کمار کی سربراہی میں ٹیم اجے کمار للو کے ساتھ دارالحکومت لکھنؤ پہنچ رہی ہے۔

لکھنؤ پہنچنے کو لے کر اجے کمار للو کے لئے پولیس حضرت گنج اسٹیشن میں تیار ہے۔ لکھنؤ پولیس کمشنر سوجت پانڈے اور تمام عہدیدار حضرت گنج پولیس اسٹیشن میں موجود ہیں۔

بتا دیں کہ وزیر اعلی یوگی آدتیہ ناتھ کو مہاجر مزدوروں کو گھر پہنچانے کے لئے کانگریس پارٹی کی فراہم کردہ 1000 بسوں کی فہرست میں غلطیاں پائی گئی تھیں۔

متعدد بس نمبر آٹو، ایمبولینس کے پائے گئے، جس کے بعد اجے کمار للو کے خلاف آر ٹی او کی تحریر پر دستاویزات میں ہیرا پھیری، غلط دستاویزات کے تحت حضرت گنج پولیس اسٹیشن میں ایف آئی آر درج کی گئی۔ ایف آئی آر درج کرنے کے بعد لکھنؤ پولیس نے اجے کمار للو کو آگرہ سے گرفتار کیا۔