اترپردیش بورڈ نے آج 10ویں اور 12ویں جماعت کے نتائج کا اعلان کیا ہے۔ ہائی اسکول میں بارہ بنکی ضلع کے طالب علم ابھمنیو ورما نے 95.83 فیصد نمبرات حاصل کرنے کے ساتھ ہی دوسری پوزیشن حاصل کی ہے۔
یوپی بورڈ نتائج 2020: بارابنکی کے ابھیمنیو ورما کی دوسری پوزیشن
ای ٹی وی بھارت کے نمائندے نے ابھیمنیو ورما سے خصوصی گفتگو کی ہے۔ ابھیمنیو ورما نے بتایا کہ انہوں نے امتحان سے قبل ہی تیاریوں کا آغاز کردیا تھا۔ اساتذہ کی رہنمائی میں روزانہ 5 سے 6 گھنٹے مطالعہ کیا کرتے تھے۔
ابھمنیو نے اپنی کامیابی کا سہرا اپنے والدین اور اساتذہ کو دیا۔ ابھیمنیو نے بتایا کہ ان کے والد کا خواب تھا کہ وہ ڈاکٹر بنیں لیکن کسی وجہ سے ان کے والد ڈاکٹر نہیں بن سکے۔ اب والد کے خواب کو پورا کرنے کے مقصد سے ابھیمنیو نے طبی تعلیم حاصل کرنے کا فیصلہ کیا ہے۔
