ضلع کے بیسک ایجوکیش افسر اجے کمار سنگھ نے پیر کو بتایا کہ بڑھ پرا بلاک کے ہائی اسکول کالج ہویلیا میں تعینات پرنسپل انتخاب عالم نے 14 جون کو محکمہ اساتذہ کے ایک سرکاری وہاٹس ایپ گروپ پر ایک پوسٹ ڈالا جس میں درج تھا کہ ’’ تمام مسلم باشندوں سے گذارش ہے کہ ہمارے ملک میں چاروں جانب سازشوں کا دور چل پڑا ہے۔ آر ایس ایس اور بی جے پی ہر روز ہندو سماج کے گھر گھر جاکر مسلمانوں کے خلاف زہر گھول رہے ہیں۔ روزآنہ ملک کے کسی نہ کسی کونے میں مسلمانوں پر کسی بھی بہانے سے ظلم کیا جارہا ہے۔ آر ایس ایس کے لوگ مسلمانوں پر زیادتی کے موقع تلاش رہے ہیں۔
انہوں نے بتایا کہ پرنسپل کے ذریعہ کی گئی پوسٹ سے سماجی ہم آہنگی کو نقصان پہنچ سکتا ہے اور محکمہ جاتی امور کے لئے بنائےگئے وہاٹس ایپ گروپ میں ایسے پوسٹ نہیں آنے چاہیں۔ساتھ ہی کسی بھی سرکاری ملازم کی طرف سے اس طرح کا پوسٹ کیا جاناگورنمنٹ سرونٹ کنڈکٹ رولس کے خلاف بھی ہے۔ انہیں مذہبی جذبات کو بھڑکانے اور سماجی ہم آہنگی کو نقصان پہنچانے اور گورنمنٹ سرونٹ کنڈکٹ رولس کی خلاف ورزی کرنے کے پاداش میں معطل کیاگیا ہے۔
