ریاست اترپردیش کے ضلع بارہ بنکی میں ہولی کے پیش نظر جوا کھیلتے ہوئے 27 افراد کو گرفتار کیا گیا ہے۔
ایس پی اروند چترویدی
دراصل بارہ بنکی پولیس نے ہولی پر جوا نہ ہو اس کے لیے تمام تھانوں میں خصوصی مہم کا آغاز کیا تھا جس میں پولیس کو اطلاع ملی کہ شہر کوتوالی حلقہ کے پیسار محلہ میں کچھ لوگ جوا کھیل رہے ہیں جس کے بعد پولیس نے فورا چھاپہ ماری کرکے وہاں سے 27 افراد کو جوا کھیلتے ہوئے گرفتار کیا۔
جوا کھیلتے وقت ان کے پاس سے 7 لاکھ روپے، 24 موبائل، 10 بائیکس اور 4 فور وہیلر برآمد کیا گیا ہے، پولیس کے مطابق گرفتار ملزمان پر قانون کے مطابق کاروائی کی جائے گی۔
پولیس نے یقین دہانی کرائی ہے کہ جوا روکنے کے لیے وہ آگے بھی سخت کارروائی کرے گی۔
