کورونا وائرس کے پیش نظر مئو میں 144 نافذ

ریاست اترپردیش کے ضلع مئو میں بھی کرونا وائرس سے تحفظ کے لئے دفعہ 144 نافذ کر دیا گیا ہے۔

خاص طور پر عوام کو عوامی مقامات پر یکجا نہ ہونے کی ہدایت دی جا رہی ہے۔ لاؤڈ اسپیکر کے ذریعہ اعلان کرایا جا رہا ہے کہ زیادہ تعداد میں لوگ اکٹھا نہ ہوں۔

پولیس اور انتظامیہ کے افسران خود گشت کررہے ہیں۔ بازاروں میں اعلان کر دکانیں وقت سے پہلے ہی بند کرنے کی ہدایت دی جا رہی ہے۔

انتظامیہ کے مطابق یہ قدم احتیاط کے طور پر اٹھائے جا رہے ہیں، تاکہ کسی بھی تشویشناک حالات پر بروقت قابو پایا جا سکے۔

افسران پولیس اہلکاروں کے تعلق سے بھی احتیاطی اقدامات کر رہے ہیں۔ غیر ضروری مجمع ہٹانے کے لئے انتظامیہ کمربستہ ہے۔