بھارت اور پاکستانی افوج نے شمالی کشمیر کے ضلع کپواڑہ کے مچل سیکٹر پر لائن آف کنٹرول کے نزدیک فائرنگ کا تبادلہ کیا۔
ذرائع کے مطابق پاکستانی افواج نے ایک بار پھر جنگ بندی معاہدے کی خلاف ورزی کرتے ہوئے کپواڑہ کے مچل اور گوگل دھر سیکٹر میں جنگ بندی کی خلاف ورزی کی جس کا بھارتی افواج نے معقول جواب دیا ہے۔
ذرائع کے مطابق پاکستانی افواج نے مارٹر گولے داغنے کے علاوہ بھاری اور چھوٹے ہتھیاروں کا استعمال کرکے بھارتی چوکیوں کو نشانا بنایا جس کا بھارتی فوج نے بھر پور اور موثر جواب دیا ہے۔
دریں اثنا فوجی کے ایک عہدیدار نے بتایا کہ 'پاکستان نے آج دوپہر کومارٹرشلنگ اور دیگر ہتھیاروں سے فائرنگ کرکے مچل اور گوگل دھر سیکٹر کپواڑہ میں لائن آف کنٹرول کے نزدیک جنگ بندی معاہدے کی خلاف ورزی شروع کی۔'
سرحدوں پر آر پار جاری گولی باری اور شلنگ کے باعث سرحدی آبادی خوف و دہشت میں مبتلا ہے۔
