شمالی کشمیر میں ملیٹنسی کا گراف کم ہوا: دلباغ سنگھ

جموں و کشمیر پولیس کے سربراہ دلباغ سنگھ نے آج شمالی کشمیر کے ضلع کپواڑہ کا دورہ کرکے سکیورٹی صورتحال کا جائزہ لیا۔

شمالی کشمیر میں ملیٹنسی کا گراف پہلے سے کافی کم ہوگیا ہے، سرحدی ضلع کپواڑہ میں کوئی بھی مقامی عسکریت پسند سرگرم نہیں ہے وہیں ضلع بانڈی پورہ اور سوپور میں پہلے سے حالات بہتر ہوئے ہیں۔ ان باتوں کا اظہار جموں و کشمیر پولیس کے سرابرہ دلباغ سنگھ نے آج ضلع کپواڑہ کے دورے کے دوران سکیورٹی صورتحال کا جائزہ لینے کے دوران ذرائع ابلاغ کے نمائندوں کے ساتھ بات کرتے ہوئے کیا۔

پولیس سربراہ دلباغ سنگھ نے آج ضلع کپواڑہ کا دورہ کیا اور یہاں پولیس اور سکیورٹی افسران کے ساتھ ایک میٹنگ طلب کی۔

انہوں نے کہا کہ جموں کشمیر میں پولیس اور سکیورٹی ایجنسیاں بہتر انداز میں کام کررہی ہے اور آگے بھی اسی طرح کرتی رہے گی۔

ڈی جی پی دلباغ سنگھ نے کہا کہ پولیس اور سکیورٹی فورسز جموں و کشمیر میں ماحول پرامن اور بہتر بنانے میں اہم رول ادا کرتی ہیں

۔

انہوں نے کہا کہ جموں وکشمیر کے حالات پہلے سے بہتر ہیں، البتہ کچھ عناصر جموں وکشمیر میں حالات بگاڑنا چاہتے ہیں۔ ان کے مطابق پولیس اور سکیورٹی ایجنسیاں اپنا کام بہتر ڈھنگ سے انجام دے رہی ہیں۔

دلباغ سنگھ نے مزید کہا کہ جموں وکشمیر میں حالات پہلے سے کافی بہتر ہیں اور شمالی کشمیر میں ملیٹنسی کی جو تعداد ہے کافی کم ہوگئی ہے۔