کپواڑہ: ریچھ حملے میں چار افراد زخمی

شمالی کشمیر کے ضلع کپواڑہ کے زرہامہ میں جمعہ کے روز ایک ریچھ نے حملہ کرکے کم از کم چار افراد کو زخمی کردیا، جنہیں سب ڈسٹرکٹ ہسپتال میں داخل کراویا گیا ہے۔

مقامی لوگوں نے بتایا کہ ریچھ نے چار افراد پر اس وقت حملہ کیا جب وہ جنگل کے علاقے کے قریب گاؤں میں اپنی معمول کی سرگرمیوں میں مصروف تھے۔

مقامی لوگوں کے مطابق تمام زخمیوں کو فوری طور پر علاج و معالجے کے لیے سب ڈسٹرکٹ ہسپتال (ایس ڈی ایچ) منتقل کیا گیا۔

وہیں، ہسپتال کے ایک عہدیدار نے بتایا کہ چاروں زخمی افراد کو اسپتال لایا گیا ہے اور فی الحال ان کا علاج جاری ہے۔ زخمیوں کی حالت مستحکم بتائی گئی ہے۔