کولگام میں پانچ افراد گرفتار

جنوبی کشمیر کے ضلع کولگام میں ایک کنبے نے پولیس میں اپنے بیٹے کی گمشدگی کا مقدمہ درج کرایا تھا۔

کولگام کے ززری پورہ کے ندیم احمد ڈار 13 دنوں سے لاپتہ تھے۔ اس ضمن میں ان کے اہلخانہ نے پولیس میں مقدمہ درج کرایا تھا۔

پولیس کو ذرائع سے اطلاع موصول ہوئی کہ ندیم نے عسکریت پسند تنظیم میں شمولیت اختیار کر لی ہے۔

وہیں پولیس نے ززری پورہ میں ایک جگہ چھاپہ مارا اور وہاں سے پانچ افراد کو گرفتار کیا ہے۔

گرفتار شدگان کے اہلخانہ نے گرفتار سے متعلق لاعلمی کا اظہار کیا ہے۔