پہلگام: ضلع ترقیاتی کونسل انتخابات کے پہلے مرحلے کے لیے حلقہ پہلگام میں ووٹنگ جاری ہے۔
اعداد و شمار کے مطابق پہلگام بلاک میں رائے دہندگان کی کل تعداد 24 ہزار 756 ہے جن کے لیے بلاک پہلگام کے مختلف مقامات پر تقریباً 19 پولنگ مراکز قائم کیے گئے ہیں۔
اس دوران پہلگام میں رائے دہندگان کی پولنگ مراکز پر لمبی قطاریں دیکھنے کو ملیں۔
انتخابات کو پرامن طریقہ سے انجام دینے کے لیے پولنگ مراکز کے آس پاس سکیورٹی کے سخت انتظامات کیے گئے ہیں اور بھاری تعداد میں لوگ گھروں سے نکل کر پولنگ مراکز پر پہنچ رہے ہیں۔
واضح رہے کہ پہلگام حلقے میں رائے دہندگان کی اکثر تعداد پسماندہ پہاڑی طبقہ سے وابستہ ہیں اور ڈی ڈی سی انتخابات میں حصہ لینے والی ایک خواتین اور پانچ مرد امیدوار بھی پہاڑی طبقہ سے وابستہ ہیں۔
ای ٹی وی بھارت سے بات کرتے ہوے مقامی باشندوں نے کہا کہ 'ہم نے صرف ترقی کے لیے ووٹ دیے ہیں، ایک طاریق احمد نامی مقامی باشندہ نے ای ٹی وی کو بتایا کہ 'ہم نے آزاد امیدوار کو ووٹ دیا ہے، ہم نے بی جے پی کو روکنے کے لیے ووٹ ڈالے ہیں، طاریق کا کہنا تھا کہ 'یہاں اگر ہم بی جے پی کو ووٹ ڈالے گے تو یہاں جمہوریت کو خطرہ میں آجائے گی، اس لیے ہم سب لوگوں نے بی جے پی کے خلاف ووٹ ڈالے ہیں اور ہم نے آزاد امیدوار کو ووٹ ڈالا ہے امید ہے آزاد امیدوار ہی کامیاب ہوگا۔'
