Encounter in Kulgam: کولگام انکاؤنٹر میں ایک عام شہری ہلاک

ضلع کولگام کے ریڈوانی علاقے میں سکیورٹی فورسز اور عسکریت پسندوں کے درمیان تصادم میں ایک عام شہری ہلاک جب کہ ایک فوجی کے زخمی ہونے کی اطلاع ہے۔ وہیں فورسز کی جانب سے سرچ آپریشن ختم کر دیا گیا ہے۔ Encounter at Redwani area of Kulgam

کولگام : جموں و کشمیر کے ضلع کولگام کے ریڈوانی علاقے میں سکیورٹی فروسز اور عسکریت پسندوں کے درمیان انکاؤنٹر میں ایک عام شہری کے ہلاک جب کہ ایک فوجی اہلکار کے زخمی ہونے کی اطلاع ہے۔ ہلاک شہری کی شناخت منظور احمد لون ولد عبداللہ لون ساکن ریدونی کے طور پر ہوئی ہے۔

کولگام انکاؤنٹر میں ایک عام شہری ہلاک

اگرچہ زخمی شخص کو اننت ناگ کے ضلع ہسپتال منتقل کیا گیا تاہم عام شہری نے ہسپتال میں زخمیوں کی تاب نہ لاکر دم توڈ دیا۔ حکام نے انکاؤنٹر کے سبب علاقے میں انٹرنٹ سہولیات کو بند کر دیا گیا ہے۔ زخمی فوجی اہلکار کو شناخت ضلع رامبن کے کرن سنگھ کے طور پر ہوئی ہے جن کا علاج 92 بیس ہسپتال سرینگر میں چل رہا ہے۔

سکیورٹی فورسز کو ریڈوانی علاقہ میں عسکریت پسندوں کے چھپے ہونے کی خفیہ اطلاع موصول ہوئی تھی جس کے بعد فوج کی 1 آر آر، سی آر پی ایف اور کولگام پولیس نے علاقے کو محاصرے میں لے لیا۔ تصادم شروع ہونے کے بعد فوج نے علاقے میں مزید فورسز کو طلب کیا تھا۔ Encounter at Redwani area of Kulgam

وہیں کشمیر پولیس زون نے آفیشل ٹویٹر پر انکاؤنٹر کے بارے میں تازہ جانکاری فراہم کرتے ہوئے لکھا کہ کولگوم کے ریڈوانی علاقہ میں سکیوری فورسز اور عسکریت پسندوں کے درمیان تصادم میں ایک عام شہری منظور احمد لون ولد عبداللہ لون نے ہسپتال میں زخمیوں کی تاب نہ لاکر دم توڑ دیا۔ اس حملےمیں ایک 1 آر آر کے کرن سنگھ زخمی ہوئے جن کا علاج فوجی ہسپتال میں جاری ہے۔پولیس کے مطابق علاقہ میں اب تلاشی کارروائی ختم کر دی گئی۔