نمائندے کے مطابق مختلف محکمہ جات میں یومیہ اجرت پر کام کر رہے عارضی ملازمین نے مستقلی اور مراعات کی واگزاری کے حق میں احتجاج کرتے ہوئے ضلع ترقیاتی کمشنر کولگام کے دفتر کے احاطے میں نعرے بازی کی۔
احتجاجیوں نے ای ٹی وی بھارت کے ساتھ بات کرتے ہوئے کہا کہ وہ سنہ 2002سے بحیثیت عارضی ملازمین کام کر رہے ہیں جبکہ 2017میں وہ اپلوڈ بھی کئے تھے۔ تاہم ابھی تک انکے جائز مطالبات کو پورا نہیں کیا گیا۔
کولگام میں عارضی ملازمین کا احتجاج
انہوں نے الزام عائد کرتے ہوئے کہا کہ ’’اعلیٰ افسران ہمارے ساتھ کھلواڑ کر رہے ہیں۔‘‘
احتجاجیوں نے مطالبہ کیا کہ انکی رکی پڑی مراعات کو وگزار کرکے انہیں مستقل کیا جائے۔
علاوہ ازیں احتجاجیوں نے کہا کہ انکی مانگیں پوری نہ ہونے تک انکا احتجاج جاری رہے گا۔
