سیاحتی مقام اہرہ بل میں آئے دن خودکشی کے واقعات کے مدنظر رکھتے ہوئے اہرہ بل جھرنے کے اردگرد علاقے میں گھومنے والے سیاحوں کے تحفظ کو یقینی بنانے کی غرض سے محکمہ سیاحت نے تجدید و مرمت کا کام شروع کیا ہے۔
اس سلسلے میں اہرہ بل ڈیولمپنٹ اتھارٹی نے ایک حکم نامہ جاری کرتے ہوئے کہا کہ فی الحال اہرہ بل جھرنے کے اردگرد علاقے کی سیر پر عارضی طور پابندی عائد کی گئی ہے۔
حکمنامے میں کہا گیا ہے کہ موسم سرما میں بھاری برف باری اور لینڈ سلائیڈنگ کے سبب ریلنگ اور فٹ پوتھ کو پہنچے نقصان کی مرمت کے سبب عارضی طور پر پابندی عائد کی گئی ہے۔
وہیں، اہرہ بل ڈیولمپنٹ اتھارٹی نے سیاحوں سے کہا ہے کہ وہ اہرہ بل کے دیگر سیاحتی مقامات کی سیر کر سکتے ہیں۔
ہم آپ کو بتا دیں جمعہ کی روز سید پورہ شوپیاں کی 17 سالہ لڑکی نے جھرنے میں کود کر خودکشی کر لی۔ اس سے پہلے بھی 7جولائی کو 24 سال نوجوان نے واٹرفال میں خودکشی کر لی تھی۔
