کورونا متاثرین کی تعداد میں تخفیف کے بعد کنٹینمنٹ زون میں کمی

ہوڑہ ضلع میں کورونا وائرس کے فعال مریضوں کی تعداد میں کمی آنے کے بعد کنٹینمنٹ زون کم کرنے کا فیصلہ کیا گیا ہے۔

مغربی بنگال کے ہوڑہ ضلع میں گذشتہ چند دنوں کے دوران کورونا وائرس کے فعال مریضوں کے کیسز میں تیزی سے کمی آئی ہے۔ ضلع انتظامیہ نے فعال کیسز کی رفتار سست پڑنے کے بعد ضلع کے بیشتر علاقوں کو کنٹینمنٹ ژون سے باہر نکالنے کا فیصلہ کیا ہے.

ضلع انتظامیہ کے مطابق ہوڑہ ضلع میں کنٹینمنٹ ژون کی تعداد 100 سے 22 پر لانے کا فیصلہ کیا گیا ہے۔ انہوں نے کہا کہ' کئی ہفتوں کے جائزے کے بعد ضلع کے بیشتر علاقوں میں کورونا وائرس کی رفتار سست پڑنے کا پتہ چلا۔

ضلع انتظامیہ کے مطابق ان جائزے کی بنیاد پر ضلع کے کنٹینممٹ زون کم کرنے کا فیصلہ کیا ہے. لیکن ان علاقوں میں رہنے والے لوگوں کو کورونا گائیڈلائن پر سختی سے عمل کرنے کی ہدایت دی گئی ہے۔

انہوں نے کہا کہ جن علاقوں کو کنٹینمنٹ ژون سے نکالا گیا ہے ان پر گہری نظر رکھی جائے گی، ہوڑہ میں گذشتہ 24 گھنٹوں کے دوران کورونا وائرس کے 119 نئے معاملے سامنے آئے ہیں جبکہ آٹھ لوگوں کی موت ہوئی ہے.

مغربی بنگال میں کورونا وائرس کے مریضوں کی تعداد سوا چار لاکھ کے قریب پہنچ گئی جبکہ ساڑھے سات ہزار سے زائد لوگوں کی موت ہو چکی ہے.