پردیش کانگریس صدر ادھیر رنجن چودھری نے اسمبلی انتخابات سے عین قبل ترقیاتی منصوبوں کے اعلان کرنے پر ریاستی حکومت پر جم کر تنقید کی ۔
مغربی بنگال کے پرولیا ضلع کے جے پور میں پردیش کانگریس کے صدر ادھیر رنجن چودھری کی قیادت میں ریاستی حکومت کے خلاف احتجاجی جلوس کا اہتمام کیا گیا۔
جلوس کی قیادت کرتے ہوئے پردیش کانگریس کے صدر ادھیر رنجن چودھری نے ریاستی حکومت کی جم کر تنقید کی۔
انہوں نے کہا کہ ''اسمبلی انتخابات سے عین قبل ریاستی حکومت نے ترقیاتی منصوبوں کے اعلان کر کے ووٹرس کی توجہ اپنی جانب مبذول کرانے کی کوشش کر رہی ہے۔ ریاستی حکومت کے ترقیاتی منصوبہ گھر گھر سرکار قابل تعریف ہے۔ میں ایک کانگریسی ہونے کے باوجود ترنمول کانگریس کے لئے اس منصوبے کی تشہیر کر رہا ہوں۔''
انہوں نے کہا کہ 'ترقیاتی منصوبہ گھر گھر سرکار میں کوئی برائی نہیں ہے۔ تنقید اس بات پر ہے کہ اسے نافذ کرنے کا وقت بالکل غلط ہے۔حکمراں جماعت ترنمول کانگریس کی سربراہ ممتابنرجی نے اسمبلی انتخابات سے عین قبل نافذ کیا۔ ہمیں اس پر اعتراض ہے۔دو تین مہینہ پہلے بھی اس منصوبے کو اعلان کیا جا سکتا تھا لیکن ایسا نہیں کیا گیا۔'
پردیش کانگریس کے صدر نے کہا کہ 'بی جے پی کے ریاستی صدر دلیپ گھوش مذہب کی سیاست کرکے ہندو اور مسلمانوں کے ووٹ تقسیم کرنے کی سازش کر رہے ہیں۔ کانگریس ان کے اس شازس کو کسی بھی قیمت پر کامیاب ہونے نہیں دے گی اس کے لئے تحریک چلائی جائے گی۔'
انہوں نے کہا کہ 'ترنمول کانگریس کی سربراہ ممتابنرجی بھی اسی منصوبے کے تحت آگے بڑھ رہی ہیں۔'
ادھیر رنجن چودھری نے کہا کہ حکمراں جماعت ترنمول کانگریس کو وزیر راجیب بنرجی کے طور پر ایک اور جھٹکا لگنے والا ہے وزیر جنگلات راجیب بنرجی نے پارٹی چھوڑنے کا اشارہ دیا ہے۔
