ریاست مغربی بنگال کے شمالی دیناج پور کے رائے گنج میونسپل کے وائس چئیرمین ارندم سرکار نے مفت ایمبولنس خدمات کا افتتاح کیا۔ مفت ایمبولنس خدمات کی افتتاحی تقریب کے موقع پر وائس چئیرمین ارندم سرکار نےکہا کہ رائے گنج کے لوگ رات کے وقت فری ایمبولنس خدمات کا مطالبہ کر رہے تھے'۔
انہوں نے کہا کہ' عوام کی جانب سے مسلسل مطالبات کے مدنظر رات کے وقت مفت ایمبولنس خدمات بحال کرنے کا فیصلہ کیا گیا ہے۔ ارندم سرکار نے کہا کہ مفت ایمبولنس خدنات رات آٹھ بجے سے صبح آٹھ بجے تک بحال رہے گی. یہ ایمرجنسی ڈیوٹی کا وقت ہوگا۔ انہوں نے کہا کہ رائے گنج اسمبلی حلقے کے پانچ پنچایت علاقوں میں رات کے وقت مفت ایمبولنس خدمات بحال رہے گی'۔
وائس چئیرمین کے مطابق رات کے وقت مفت ایمبولنس خدمات کا منصوبہ کامیاب رہا تو دوسرے میونسپل علاقوں میں بھی اسے نافذ کرنے پر غور کیا جائے گا، ارندم سرکار کے مطابق رات کے وقت مفت ایمبولنس خدمات کی بحالی کا منصوبہ کامیاب ثابت ہو گا'۔
مزید پڑھیں:
'ہم بنگال میں صدر راج نافذ کروانا چاہتے ہیں'
رات کے وقت مفت ایمبولنس خدمات کی بحالی کی افتتاحی تقریب کے موقع پر انہوں نے کہا کہ ہم ہر وہ کام کریں گے جس سے عوام کو خوشی ملے، اس موقع پرضلع محسٹریٹ رابندر کمار مینا، رائے گنج پولیس سپرٹینڈنٹ سمت کمار مہمان خصوصی کی حیثیت سے موجود تھے۔اس کے علاوہ رائے گنج ایڈیشنل پولیس ضلع سپرٹینڈنٹ یاشپتی سنگھ، ڈی ایس پی ریپن بالی اور تھانے کے آئی سی سورج تھاپا موجود تھے۔
