مغربی بنگال کی صحت انتظامیہ کا کہنا ہے کہ جنوبی کولکاتا کے دو تین علاقوں میں کورونا وائرس کے مریضوں کی تصدیق کے بعد کنٹینمنٹ زون قرار دے دیا گیا ہے۔
ذرائع کے مطابق کولکاتا میونسپل کارپوریشن کے وارڈ نمبر 69 بالی گنج سرکولر روڈ کے ایک اپارٹمنٹ کے ایک فلیٹ میں رہنے والے چھ افراد میں کورونا وائرس کی تصدیق کے بعد اپارٹمنت کو کنٹیمنٹ زون میں تبدیل کر دیا گیا ہے.
کولکاتا میونسپل کارپوریشن کے وارڈ نمبر 87 کے ٹالی گنج کے 18نمبر راجا بسنتو لائن کے ایک اپارٹمنٹ کے دوسری منزل کے ایک فلیٹ میں رہنے والے چار افراد کورونا وائرس مثبت پائے جانے کے بعد محکمہ صحت نے اپارٹمنٹ کی پہلی اور دوسری منزل کو کنٹیمنٹ زون قرار دیا گیا ہے۔
اس کے علاوہ کے ایم سی کے وارڈ نمبر 110 کے گڑیا کے نو نمبر وولی پارک نام کے ایک مقام کو کنٹینمنٹ زون میں تبدیل کرنے کا اعلان کیا گیا ہے۔
مغربی بنگال میں کورونا وائرس کے مریضوں کی تعداد چار لاکھ 80 ہزار 445 تک پہنچ گئی ہے جبکہ اس بیماری سے ہلاک ہونے والوں کی تعداد آٹھ ہزار 329 ہو گئی ہے۔ ریاست میں گزشتہ 24 گھنٹوں کے دوران کیسز تین ہزار441 کورونا وائرس کے نئے کیسز سامنے آئے ہیں، محکمہ صحت کے مطابق اچھی خبر یہ ہے کہ کورونا سے صحتیاب ہونے والوں کی 93.5 پہنچ گئی ہے۔
