مغربی بنگال کے دارالحکومت کولکاتا اور اس کے اطراف کے علاقوں میں بغیر ہیلمیٹ پہنے اور بغیر لائسنس موٹر سائیکل لے کر سڑکوں پر نکلنے والوں کی اب خیر نہیں۔Traffic rules and fines in Kolkata
کولکاتا اور اس کے اطراف میں ٹریفک ضابط کی خلاف ورزی کرنے والوں کو نئے گائیڈ لائن کے تحت دو ہزار سے دس ہزار روپے تک کا بھاری جرمانہ ادا کرنا پڑ سکتا ہے.
کولکاتا پولیس ٹریفک کے مطابق کولکاتا اور اس کے اطراف کے علاقوں میں ٹریفک ضوابط کو مزید سخت کرنے کا فیصلہ کیا گیا ہے۔
انہوں نے کہا کہ اس نئے ضابطہ کے مطابق اب کوئی ہیلمیٹ پہنے بغیر اور بغیر لائسنس کے موٹر سائیکل سواروں کے خلاف اتنی سخت کارروائی کی جائے گی کہ وہ دوبارہ غلطی کے بارے میں سوچ بھی نہیں سکتے ہیں۔
نئے ٹریفک ضابط کے مطابق بغیر ہیلمیٹ پہنے موٹر سائیکل سواروں کو اب دو ہزار روپے جانہ ادا کرنا پڑے گا پہلے ہی جرمانہ دو روپے تھا۔
اسی طرح لائسینس کے بغیر کے موٹرسائیکل چلانے والوں کو اب ایک ہزار روپے بطور جرمانہ ادا کرنا پڑے گا۔ پہلے یہ جرمانہ ایک سو روپے تھا۔
ٹریفک پولیس کی جانب سے نئے ضابطہ کے مطابق چار چکے والی گاڑی کے خلاف بھی سخت قانون بنایا گیا ہے۔ اس کے تحت سیٹ بیلٹ یا پھر روف ڈرائینگ کرنے پر پانچ ہزار روپے بطور جرمانہ ادا کرنا پڑے گا۔
اس کے ساتھ ساتھ سڑکوں پر تیز رفتار گاڑی چلانے کے الزام میں پکڑے جانے پر دس ہزار روہے بطور جرمانہ ادا کرنا پڑ سکتا ہے یاپھر جیل کی ہوا کھانی پڑ سکتی ہے۔
واضح رہے کہ مغربی بنگال کے دارالحکومت کولکاتا اور اس کے اطراف کے اضلاع میں میں پہلے بھی ٹریفک ضابط کی خلاف ورزی کرنے والوں کے خلاف سخت کارروائی عندیہ دیا گیا تھا لیکن اس کا کوئی خاص فائدہ نہیں ہوا تھا
