یاست مغربی بنگال میں منعقد ہونے والے اسمبلی انتخابات سے قبل سیاسی جماعتوں کے درمیان خانہ جھڑپوں کا کھیل جاری ہے۔
اسمبلی انتخابات کی تاریخ جوں جوں قریب آرہی ہے توں توں حکمراں جماعت ترنمول کانگریس اور بی جے پی کے حامیوں کے درمیان جاری تصادم کا دائرہ ریاست کے تمام اضلاع میں بڑھتا جارہا ہے۔
سیاسی جماعتوں کے درمیان جھڑپوں میں اب تک پچاس سے زائد افراد ہلاک اور سینکڑوں لوگوں کے زخمی ہونے کی اطلاع ہے۔
بنگال کے شمالی ضلع دیناج پور کے رائے گنج کے ساتھی گرام میں نامعلوم شرپسندوں نے ترنمول کانگریس کے رہنما محمد علی کا گولی مار کر قتل کردیا گیا۔
آج دن میں ان کی لاش برآمد کی گئی، پولیس نے کہا کہ پورے معاملے کی تفتیش جاری لیکن اب تک کسی کی گرفتاری عمل میں نہیں آئی ہے۔
ترنمول کانگریس کے حامیوں نے محمد علی کے قتل کے خلاف احتجاج کیا اور سڑک کی ناکہ بندی کردی، انہوں نے بی جے پی پر قتل کا الزام عائد کیا ہے۔
دوسری طرف بردوان ضلع کے منگل کوٹ میں ترنمول کانگریس کے ایک رہنما کا پیٹ پیٹ کر قتل کر دیا گیا، اس واقعے کے بعد علاقے میں سنسنی پھیل گئی۔
اطلاع کے مطابق ترنمول کانگریس کے مقتول رہنما کی شناخت سجیت گھوش کے طور پر ہوئی ہے۔
ترنمول کانگریس نے بی جے پی پر قتل کا الزام عائد کیا، بی جے پی کے مطابق ترنمول کانگریس کے گروہی تصادم کے نتیجے میں یہ واقعہ پیش آیا۔
