ملک کے موجودہ صورتحال کا حوالہ دیتے ہوئے ترنمول کانگریس کی سربراہ ممتا بنرجی نے مرکزی حکومت سے آئندہ ماہ ہونے والے نیٹ اور جے ای ای کے امتحانات کرانے پر اعتراض کر چکی ہیں۔
اس سلسلے میں انہوں نے وزیر اعظم نریندر مودی کو خط بھی لکھا ہے، لیکن مرکزی حکومت اپنے فیصلے پر قائم ہے، ممتا بنرجی کی طرف سے سپریم کورٹ جانے کی بھی بات کہی گئی ہے۔
دوسری جانب ترنمول کانگریس طلبا یونین نے اعلان کیا ہے کہ کل ترنمول کانگریس کے طلباء یونین کا یوم تاسیس ہے، اس موقع پر ریاست میں ترنمول کانگریس طلباء یونین کے حامی مرکزی حکومت کے کورونا وائرس سے دو چار موجودہ صورت حال کے درمیان نیٹ اور جے ای ای کے امتحانات کرانے کے فیصلے کے خلاف احتجاج و مظاہرہ کرنے کے لیے سڑکوں پر اترے گی۔
اس کے علاوہ ترنمول طلباء یونین کے حامی کل دھرمتلہ گاندھی مجسمہ کے سامنے مودی حکومت کی نئی تعلیمی پالیسی کے خلاف احتجاج پر بیٹھیں گے۔
مغربی بنگال کی وزیراعلیٰ ممتا بنرجی نے اپوزیشن جماعتوں کے ساتھ اس سلسلے میں گذشتہ روز ویڈیو کانفرنس کے ذریعے میٹنگ میں بھی یہ معاملہ اٹھایا تھا۔
انہوں نے اس سلسلے میں کانگریس کی عارضی صدر سونیا گاندھی سے بھی بات کی تھی، ممتا بنرجی کی امتحانات کو ملتوی کرنے کی اپیل کو مرکزی حکومت نے سرے سے نظر انداز کر دیا ہے، جس پر ممتا بنرجی برہمی کا اظہار کیا ہے۔
