ٹی ایم سی کی آٹھ دسمبر کو بھارت بند کی حمایت

ترنمول کانگریس نے کسان تنظیموں کی جانب آٹھ دسمبر کو بلایا گیا بھارت بند کو اخلاقی طور پر حمایت دینے کا اعلان کیا ہے۔

مغربی بنگال کی حکمراں جماعت ترنمول کانگریس نے آٹھ دسمبر کو مختلف کسان تنظیموں کی جانب سے بلایا گیا بھارت بند کو اخلاقی و رشمی طور پر حمایت دینے کا اعلان کیا ہے۔

ترنمول بھوں میں حکمراں جماعت ترنمول کانگریس اور اکالی دل کی مشترکہ پریس کانفرنس کے دوران اس کا اعلان کیا گیا۔

ممتا بنرجی

ترنمول کانگریس کے رکن پارلیمان سدیپ بندھو اپادھیا نے کہا کہ بھارت کے کسان بھائی ان دنوں بہت ہی مشکل میں ہیں۔ بی جے پی کی قیادت والی مرکزی حکومت کی ناقص پالیسیوں کی وجہ سے بھارت کے کسان بھائی کام کاج چھوڑ کر سڑکوں احتجاج کرنے کے لئے اتر آئے ہیں۔ انہوں نے کہا کہ آٹھ دسمبر کو بھارت بند کی حمایت کرنا ہماری اخلاقی ذمہ داری ہے۔ کولکاتا میں بیٹھ کر کچھ کر نہیں سکتے ہیں لیکن بھارت بند کی حمایت کرکے ان کی حوصلہ افزائی ضرور کر سکتے ہیں۔

ترنمول کانگریس کے رکن پارلیمان کا کہنا ہے کہ بی جے پی کی قیادت والی مرکزی حکومت کو کسان بل کو کسی بھی قیمت پر واپس لینا پڑے گا۔

آج دن میں حکمراں جماعت ترنمول کانگریس اور اکالی دل کے نمائندوں کے درمیان ایک اہم میٹنگ ہوئی۔

اس میٹنگ میں دونوں سیاسی جماعتوں نے کسان بل کے خلاف جاری احتجاج اور بھارت بند کی حمایت پر تبادلہ خیال کیا

واضح رہے کہ مغربی بنگال کی وزیراعلی ممتابنرجی نے بی جے پی کی قیادت والی مرکزی حکومت کے خلاف قومی سطح پر تحریک چلانے کا اعلان کیا ہے۔