مغربی بنگال کے سات سیٹوں پر ضمنی انتخابات وقت پر کرائے جانے کو لے کر ترنمول کانگریس اب الیکشن کمیشن کا رخ کرنے والی ہے۔ 2021 اسمبلی انتخابات کے بعد مختلف وجوہات کی کے بنا پر سات اسمبلی حلقے خالی ہیں جن پر ضمنی انتخابات ہونے کی بات ہے۔ لیکن کورونا کے کیسیز میں کمی ہونے کے باوجود ضمنی انتخابات کی تاریخ کا اعلان نہ ہونے کی وجہ ترنمول کانگریس پریشان ہے۔ پارٹی کی سربراہ ممتا بنرجی جو وزیر اعلی ہیں وہ نندی گرام سے انتخابات ہار چکی ہیں۔ اس لیے چھ ماہ کے درمیان ان کو رکن اسمبلی ہونا لازمی ہے تب ہی وہ وزیر اعلی کے عہدے پر برقرار رہ پائیں گی۔
ترنمول کانگریس کے ذرائع کے مطابق بر سر اقتدار جماعت الیکشن کمیشن سے ضمنی انتخابات جلد کرانے کا دعوی کرے گی۔ اس کے علاوہ انتخابات میں تشہیر کے لیے بھی ایک ہفتے کی مہلت دینے کا مطالبہ کرے گی۔ اس کے ساتھ تشہیر کے دوران کووڈ پروٹوکال کا بھی خیال رکھنے کی الیکشن کمیشن کو یقین دہانی کرائی جائے گی۔'
واضح رہے کہ ان سات اسمبلی حلقوں میں ضمنی انتخابات کو بی جے پی ہتھیار بنا سکتی ہے۔ کسی وجہ سے اگر اندرون چھ ماہ ضمنی انتخابات نہیں ہوتے ہیں تو وزیر اعلی ممتا بنرجی جو فی الحال رکن اسمبلی نہیں ہیں ان کو استعفی دینا پر سکتا ہے۔ حال ہی میں اس طرح کی ایک مثال اتراکھنڈ سے سامنے آئی ہے جہاں کورونا سے پیدا شدہ حال کا حوالہ دیتے ہوئے الیکشن کمیشن نے انتخابات کی اجازت نہیں دی جس کی وجہ سے بی جے پی کے اقتدار والی ریاست اتراکھنڈ کے وزیر اعلی جو رکن اسمبلی نہیں تھے استعفی دینا پڑا تھا۔ مغربی بنگال میں بھی کچھ اس طرح کا معاملہ سامنے آنے کا امکان نظر آ رہا ہے۔'
