مرشدآباد: بھگڈر میں درجنوں افراد زخمی، تین خواتین کی حالت نازک

مرشدآباد کے رگھوناتھ پور میں ہیلتھ سے متعلق فارم جمع کرنے کے دوران بھگدڑ مچنے سے درجنوں افراد زخمی ہو گئے جن میں تین خواتین بھی شامل ہیں۔

مغربی بنگال کے مرشدآباد ضلع کے رگھوناتھ پور میں سرکاری ترقیاتی اسکیم اور ہیلتھ منصوبے کے لئے لگائے گئے کیمپ میں بھگدڑ مچنے سے درجنوں افراد زخمی ہو گئے۔

کیمپ میں بھگدڑ مچنے سے پورے علاقے میں سنسنی پھیل گئی۔ اس واقعے میں 25 سے زائد افراد زخمی ہو گئے۔

بھگڈر میں زخمی

زخمی ہونے والوں میں متعدد خواتین بھی شامل ہیں۔ ان میں سے تین کی حالت تشویشناک بتائی گئی ہے۔ پولیس اور مقامی باشندوں کی مدد سے زخمیوں کو مرشدآباد ضلع ہسپتال میں داخل کرایا گیا، جہاں تین خاتون کی حالت نازک بتائی گئی ہے۔ تینوں خاتون کو مرشدآباد میڈیکل کالج اینڈ ہسپتال میں داخل کرایا گیا۔ ڈاکٹرز کا کہنا ہے کہ تینوں خاتون کی حالت انتہائی نازک ہے۔ ڈاکٹرز نے کہا کہ اگلے 48 گھنٹوں سے پہلے کچھ بھی کہا نہیں جا سکتا ہے۔

پولیس کا کہنا ہے کہ پورے معاملے کی تفتیش کی جا رہی ہے۔ یہ پتہ لگانے کی کوشش کی جا رہی ہے کہ کس وجہ سے بھگدڑ مچی۔

انہوں نے کہا کہ ضرورت سے زیادہ بھیڑ ہونے کی وجہ سے یہ واقعہ پیش آیا یا پھر کسی نے جان بوجھ کر افراتفری کا ماحول پیدا کرنے کی سازش کی ہے۔

پولیس نے مزید کہا کہ شدید طور پر زخمی ہونے والی خاتون کی شناخت زرینہ بی بی، شمیمہ بی بی اور زیبا بی بی کے طور پر ہوئی ہے۔