مغربی بنگال کے مرشدآباد ضلع کے بیرایکا علاقے میں نامعلوم افراد نے پولیس آفیسر کے مکان کا تالہ توڑ کر لاکھوں روپے نقد اور زیورات لوٹ کر فرار ہوگئے۔
ذرائع کے مطابق پولیس آفیسر نظم الرحمٰن شیخ اپنے سسر کے انتقال پر اہل خانہ کے ساتھ سسرال گئے ہوئے تھے۔
پولیس آفیسر کی بیوی موسم بی بی جب واپس لوٹ کر گھر واپس آئی تو انہوں نے دیکھا کہ کمروں کے تالے ٹوٹے ہوئے ہیں اور الماریوں کے سامان بکھرے ہوئے ہیں۔
انہوں نے اس کی اطلاع اپنے شوہر کو دی۔ پولیس آفیسر نظم الرحمٰن شیخ کی اطلاع کی بنیاد پر مقامی تھانے کی پولیس جائے وقوع پر پہنچی اور تفتیش شروع کر دی۔
ابتدائی تفتیش کے پولیس نے کہا کہ گھر سے تقریباً ڈیڑھ لاکھ روپے اور پانچ تولہ سونے کے زیورات کی چوری ہوئی ہے۔ معاملے کی تفتیش کی جا رہی ہے۔ اس معاملے میں ملوث افراد کو جلد ڈھونڈ نکالا جائے گا۔
پولیس آفیسر نظم الرحمٰن شیخ کا کہنا ہے کہ گھر کے تمام ممبران میت میں گئے تھے، چوروں نے اسی کا فائدہ اٹھاتے ہوئے گھر کا صفایا کیا۔ انہوں نے کہا کہ اس معاملے میں ملوث افراد کی گرفتاری عمل میں آئے گی اور مسروقہ سامان بھی برآمد کر لیا جائے گا۔
