مغربی بنگال کے دارالحکومت کولکاتا سے چند کیلو میٹر کی دوری پر مسلم اکثریتی تجارتی علاقہ توپسیا Topasia, a Muslim-Majority Commercial Area in West Bengal میں واقع ملت نگر مسجد و ملت ایجوکیشن سینٹر Millat Education Center کے انتظامی سربراہ، ملت نگر مسجد کے امام مولانا مفتی عبدالمعید نے کہا کہ لا علمی کے سبب تبلیغی جماعت کو نشانا بنایا گیا اور اس پر پابندی بالکل غلط ہے۔
انہوں نے کہا کہ تبلیغ جماعت Good Deeds of Tablighi Jamaat کے کارناموں کو کسی بھی قیمت پر نظر انداز نہیں کیا جا سکتا ہے۔ جن لوگوں نے اس پر پابندی لگانے کی بات کہی ہے انہیں اس کی تاریخی کارناموں سے نابلد ہے۔
ان کا کہنا ہے کہ جس جماعت کی بات سن کر لوگ مساجد میں کھینچے چلے آتے ہیں، لوگ برے کاموں کو ترک کرکے اللہ کی عبادت میں مشغول ہو جاتے ہیں اسے غلط کیسے کہہ سکتے ہیں۔
مفتی عبدالمعید Mufti Abdul Moeed نے کہا کہ اس کی سب سے بڑی وجہ یہ ہو سکتی ہے کہ پابندی عائد کرنے والے اس کے تاریخی کارنامے سے لا علم ہیں یاپھر ان کے پاس اس کے متعلق آدھی ادھوری معلومات ہوگی۔
انہوں نے کہا کہ تبلیغی جماعت سے منسلک اعلیٰ رہنماؤں نے ملک کی آزادی کے لئے اپنی اپنی جان قربان پیش کی ہے۔ انہوں نے اپنی ساری زندگی اللہ کی عبادت اور خدمت خلق میں گزاری ہے۔
مزید پڑھیں:
لاک ڈاؤن کے دوران تبلیغی جماعت نے جس طرح سے عوام کی مدد کی ہے وہ قابل تعریف ہے۔ جہاں ضرورت پڑی وہاں ضرورتمندوں کے درمیان راشن کٹس تقسیم کیے، خون عطیہ کیا تو ایسے کاموں کو انجام دینے والوں پر کیسے سوال اٹھایا جا سکتا ہے۔
