آٹھویں اور آخری مرحلے میں ریاست کے چار اضلاع کی 35 سیٹوں پر ہوئی ووٹنگ کے ساتھ مغربی بنگال اسمبلی انتخابات 2021 مکمل ہوا۔ گزشتہ ماہ 27 مارچ سے شروع ہونے والے آٹھ مراحل کے اسمبلی انتخابات میں شیتل کوچی واقعہ کو چھوڑ کر مجموعی طور پر امن رہا۔
گورنر جگدیپ دھنکر، مغربی بنگال پردیش کانگریس کے صدر ادھیر رنجن چودھری، لیفٹ فرنٹ کے چیئرمین بمان بوس نے پرامن انتخابات پر انتخابی کمیشن، سی اے ایف اے، مغربی بنگال پولیس، کولکاتا اور مرکزی فورسز کو مبارکباد دی۔
دوسری طرف مغربی بنگال اسمبلی انتخابات 2021 ختم ہوتے مختلف اداروں کی جانب ایگزٹ پول سامنے آ گئے ہیں۔
ایگزٹ پول میں ممتابنرجی کی قیادت والی حکمراں جماعت ترنمول کانگریس کو بھاری نقصان ہورہا ہے، جبکہ بی جے پی کو غیر معمولی فائدہ ملتا ہوا نظر آرہا ہے۔ وہیں متحدہ اتحاد تیسرے مقام پر ہے۔
