مغربی بنگال کے جنوبی 24 پرگنہ کے کیننگ سے ترنمول کانگریس کے رکن اسمبلی شوکت ملا نے کہا کہ بازار اور دکانیں روزانہ لگتی ہیں۔ بازاروں میں روزانہ لوگوں کی بھیڑ ہوتی ہے لیکن رمضان المبارک کے مہینے میں بہت کچھ بدل جاتا ہے۔ انہوں نے کہا کہ لوگوں کو تکلیف و پریشانی سے بچانے کے لئے ہی خصوصی انتظامات کیے جائیں گے۔ خریداری کے لئے آنے والے لوگوں کو کسی بھی طرح کی کوئی پریشانی درپیش نہ ہو۔ ان کا کہنا ہے کہ کیننگ ایک مصروف علاقہ ہے۔ کیننگ کے علاوہ دوسرے علاقے سے لوگ خریداری کے لیے یہاں آتے ہیں چونکہ یہاں بڑے بڑے ہاٹ لگتے ہیں جس کی وجہ سے بھیڑ زیادہ ہوتی ہے۔
یہ بھی پڑھیں:
رکن اسمبلی کے مطابق اس مہینے کے دوران مختلف علاقوں میں صاف صفائی کا زیادہ خیال رکھا جاتا ہے۔ متعلقہ اداروں کو اس سلسلے میں ہدایت دی جا چکی ہے۔ مغربی بنگال کے جنوبی 24 پرگنہ کے بیشتر مسلم اکثریتی علاقوں تاریخی میٹیا برج، گارڈن ریچ، بھانگوڑ، کیننگ،ڈائمنڈ ہاربر، بروئی پور میں ماہ رمضان المبارک کے استقبال کے لئے تیاریاں زور شور سے جاری ہے۔
