سابق صدر پرنب مکھجی کے بیٹے ابھیجیت مکھرجی نے اتوار کو مطلع کیا ہے کہ ان کے والد کی طبیعت اب بہتر ہے۔
انہوں نے کہا 'سابق صدر پرنب مکھرجی کی 10 اگست کو برین کلاٹ کی سرجری کرائی گئی تھی، جس کے بعد ان کی حالت خراب ہو گئی تھی، لیکن اب ان کی حالت مستحکم ہے'۔
انہوں نے اپنے ایک ٹویٹ میں لکھا 'گذشتہ روز میں نے اپنے والد کی خیر جاننے کے لیے ہسپتال کا دورہ کیا تھا، بھگوان کے رحم و کرم اور آپ کی دعاوں سے ان کی حالت اب بہتر ہے، اور وہ جلد صحتیاب ہوں جائیں گے'۔
یہ بھی پڑھیے
اٹل بہاری واچپئی کو صدر، وزیر اعظم سمیت کئی اعلیٰ رہنماؤں کا خراج تحسین
واضح رہے کہ 10 اگست کو پرنب مکھرجی نے ایک ٹویٹ میں کہا تھا کہ ہسپتال میں ٹیسٹ کے دوران وہ کووڈ-19 مثبت پائے گئے ہیں۔
انہوں نے لوگوں سے گذارش کی تھی کہ جو بھی ان کے رابطے میں آیا ہے وہ سیلف آئیسولیٹ میں رہے'۔
