شمالی 24 پرگنہ کے گیارولیا ٹاؤن میں گھر گھر سرکاری اسکیم کے تحت کیمپ کا انعقاد کیا گیا جس میں ہزاروں خواتین ترقیاتی منصوبوں سے فائدہ اٹھانے کے لیے موجود تھیں۔
کیمپ کے سامنے صبح سے ہی سینکڑوں گھریلو خواتین مختلف ترقیاتی منصوبوں سے فائدہ اٹھانے کے لیے نام اندراج کرانے کے لیے موجود تھیں۔
ای ٹی وی بھارت سے گفتگو کرتے ہوئے خواتین نے ممتا بنرجی کی لکشمی بھنڈار اسکیم کا خیرمقدم کیا اور اس سے پہلے عام لوگوں کے حق کے بارے میں سوچنے والے کسی رہنما کو دیکھا نہیں گیا تھا۔
خواتین نے کہا کہ وہ وزیراعلیٰ ممتابنرجی نے ملک کی واحد سیاسی رہنما ہیں جنہیں صرف اور صرف خواتین کی خود مختار بنانے کے بارے میں سوچتی ہیں۔
انہوں نے کہا کہ تیسری مرتبہ اقتدار میں آنے کے بعد وزیر اعلیٰ ممتا بنرجی نے خواتین کے لیے بہت سے ترقیاتی منصوبے لے کر آئی ہیں۔ ان کی جتنی بھی تعریف کی جائے وہ کم ہے۔
گھریلو خاتون کا کہنا ہے کہ انہیں اس سے زیادہ اور کیا چاہئے۔ وزیراعلی خواتین کے حق میں جو کام کر رہیں ہیں اسے دیکھ کر بے حد خوشی ہوتی ہے اور احساس ہوتا ہے کہ ہمارے لیے بھی کوئی سوچنے والا ہے۔
یہ بھی پڑھیں: دو سو سالہ قدیم ہگلی امام باڑہ مذہبی رواداری کی علامت
دوارے سرکار اسکیم (گھر گھر سرکار ) کے تحت مغربی بنگال حکومت کے اعلی افسران، ضلع مجسٹریٹ، ایڈیشنل ضلع مجسٹریٹ، ایس ڈی پی او، بی ڈی او اور ضلع پولیس سپرنٹنڈنٹ کی نگرانی میں کیمپ کا اہتمام کیا جاتا ہے جہاں عام لوگوں کے مسائل دور کیے جاتے ہیں۔ اس کے علاوہ حکومت کے ترقیاتی منصوبوں سے عام لوگوں کو راست جوڑنے کی کوشش کی جاتی ہے۔
ممتا بنرجی کے تیسری مرتبہ اقتدار میں آنے کے بعد متعدد ترقیاتی منصوبوں خاص طور پر خواتین کے لیے اعلان کیے گئے ہیں جن میں کنیا شری، روپا شری، شواستھا ساتھی ہیلتھ انسورنش کارڈ اور لکشمی بھنڈار قابل ذکر ہیں۔
