T20 Series in Kolkata: کولکاتا میں ٹی ٹوینٹی سیریز کے مدنظر اضافی میٹرو اور لوکل ٹرین چلانے کا فیصلہ

ایڈن گارڈن میں بھارت اور ویسٹ انڈیز کے درمیان کھیلے جانے والے تین ٹی - 20 میچز T20 Matches کی سیریز کے پہلے میچ کے مدنظر رات 1:30 بجے تک میٹرو ریل اور لوکل ٹرین چلانے کا فیصلہ کیا گیا ہے۔

مغربی بنگال کے کولکاتا میں واقع ایڈن گارڈن Eden Gardens میں بھارت اور ویسٹ انڈیز کے درمیان تین ٹی - 20 انٹرنیشنل میچوں پر مشتمل سیریز کا پہلا میچ 16 فروری کھیلا جائے گا۔

ٹی- 20 انٹرنیشنل میچوں کی سیریز کے تمام میچز کولکاتا کے ایڈن گارڈن میں کھیلے جائیں گے۔ دوسرا ٹی - 20 میچ 18 اور تیسرا اور آخری ٹی-20 انٹرنیشنل میچ 20 فروری کو کھیلا جائے گا۔

ایڈن گارڈن میں کھیلے جانے والے بھارت-ویسٹ انڈیز کے درمیان کھیلے جانے والے ٹی- 20 میچ کے مدنظر رات 1:30 بجے تک میٹرو اور لوکل ٹرین خدمات جاری رکھنے کا فیصلہ کیا گیا ہے۔ تاکہ شیدائیوں کو کسی بھی طرح کی پریشانیوں کا سامنا نہ کرنا پڑے۔

میٹرو ریل کی خدمات کو دیر رات جاری رکھنے کے ساتھ ساتھ سکیورٹی انتظامات بھی سخت کئے گئے ہیں۔