کولکاتا: وزیر اعلیٰ ممتا بنرجی نے آج کولکاتا شہر کے چھایا گھر سے بو بازار تک روڈ شو کیا اور اس روڈ شو میں وزیرا علیٰ کے ساتھ سماجوادی پارٹی سے راجیہ سبھا رکن اور اداکارہ جیا بچن بھی موجود تھیں۔
ویڈیو
ممتا بنرجی نے بنگلہ نئے برس کی مبارکباد پیش کرتے ہوئے لوگوں سے ترنمول کانگریس کے امیدواروں کو ووٹ دینے کی اپیل کی۔
اس روڈ شو میں ترنمول کانگریس کے امیدوار جوڑا سانکو سے ویویک گپتا، چورنگی سے نینا اپادھیائے، پریس پال اور سادھن پانڈے شامل تھے۔
ریلی میں موجود سماجوادی پارٹی سے راجیہ سبھا رکن جیا بچن نے نئے سال کی مبارک باد پیش کرتے ہوئے کہا کہ بنگال میں تبدیلی کی کوئی ضرورت نہیں ہے۔ ممتا بنرجی کے دورا قتدار میں بنگال میں امن قائم ہوا ہے اور ترقی بھی ہوئی ہے۔ بنگال کی ترقی اور امن کے لیے ممتا بنرجی کا اقتدار میں رہنا ضروری ہے۔
یو این آئی
