کولکاتہ: ہندو ہوں لیکن اسلام کا غیر معمولی احترام کرتا ہوں، جیوتی پریہ ملک

ریاستی وزیر جیوتی پریہ ملک نے کہا کہ بھارت ایک سیکولر ملک ہے اور مغربی بنگال اس کی سب سے بڑی مثال ہے۔ انہوں نے کہا کہ 'میں چیخ چیخ کر کہہ رہا ہوں کہ ایک ہندو ہونے کے باوجود مجھے مسلمانوں سے غیر معمولی لگاؤ ہے اورآئندہ بھی رہے گا۔'

مغربی بنگال میں 30 اکتوبر کو چار اسمبلی نشستوں پر ہونے والے ضمنی انتخابات کی تیاریاں آخری مراحل میں ہیں۔

حکمراں جماعت ترنمول کانگریس کے سینئر رہنما اور وزیر جیوتی پریہ ملک نے ای ٹی وی بھارت سے خصوصی گفتگو کرتے ہوئے ریاست کی موجودہ صورتحال پر تبادلہ خیال کیا۔

انہوں نے مزید کہا کہ وہ اپنے دل میں ایک ہندو ہونے کے باوجود اسلام مذہب اور مسلمانوں کے لئے اعلیٰ احترام رکھتے ہیں۔

ریاستی وزیر جیوتی پریہ ملک نے کہا کہ بھارت ایک سیکولر ملک ہے اور مغربی بنگال اس کی سب سے بڑی مثال ہے۔ انہوں نے کہا کہ 'میں چیخ چیخ کر کہہ رہا ہوں کہ ایک ہندو ہونے کے باوجود مجھے مسلمانوں سے غیر معمولی لگاؤ ہے اورآئندہ بھی رہے گا۔'

انہوں نے کہا کہ وہ ایک ہندو ہونے کے باوجود ان کے دل میں اسلام مذہب اور مسلمانوں کے لئے اعلیٰ احترام رکھتے ہیں۔ کیونکہ بنگال کی سرزمین سیکولرازم کی عمدہ مثال ہے۔ یہاں رابندر ناتھ ٹائیگور اور قاضی نذرالاسلام کو ماننے والے ہیں۔

انہوں نے کہا کہ مغربی بنگال میں رہنے والے نہ صرف مسلمان بلکہ تمام مذاہب کے لوگوں کے پاس یکساں مواقع ہیں۔ تمام لوگ خوش ہیں۔ اس کی سب سے بڑی وجہ قومی یکجہتی ہے۔

ترنمول کانگریس کے رہنما کا کہنا ہے کہ بنگال کی سرزمین رابندر ناتھ ٹائیگور، ودیا ساگر، سوامی ویوکاناندا اور قاضی نذرالاسلام کی ہے جہاں تمام مذاہب کے لوگوں کے خون میں سیکولرازم ہے۔

انہوں نے کہا کہ گزشتہ ضمنی انتخابات کی طرح اس مرتبہ بھی ترنمول کانگریس کو تمام سیٹوں پر ریکارڈ کامیابی ملے گی۔ بی جے پی کا زمانہ لد چکا ہے بس اب وقت کا انتظار ہے۔
انہوں نے مزید کہا کہ آنے والے دنوں میں مغربی بنگال میں بی جے پی کی ایک سیٹ بھی نہیں بچے گی۔ 2024 میں بی جے پی کا صفایا ہوجائیگا۔