مغربی بنگال کے گورنر جگدیپ دھنکر نے وزیراعلیٰ ممتا بنرجی کو رامپور ہاٹ سانحہ اور اسمبلی میں ارکان کے درمیان مار پیٹ کے واقعے پر آمنے سامنے بیٹھ کر بات کرنے کی دعوت دی۔ گورنر اور ممتا بنرجی کے درمیان تلخ تعلقات اور لفظی جنگ کوئی نئی بات نہیں ہے Jagdeep Dhankar invited Mamata Banerjee to sit in front and talk۔
گزرتے وقت کے ساتھ ساتھ گورنر اور وزیر اعلیٰ کے درمیان جاری لفظی جنگ میں شدت ضرور آئی ہے۔ رامپور ہاٹ سانحہ اور اسمبلی میں ارکان اسمبلی کے درمیان مار پیٹ کے بعد دونوں اعلیٰ عیدیداران کے درمیان ایک بار پھر نوک جھونک شروع ہو چکی ہے۔ اسی درمیان مغربی بنگال کے گورنر جگدیپ دھنکر نے وزیر اعلیٰ ممتا بنرجی کو رامپور ہاٹ سانحہ اور اسمبلی میں ارکان کے درمیان مار پیٹ کے واقعے پر آمنے سامنے بیٹھ کر بات کرنے کی دعوت دی۔
گورنر جگدیپ دھنکر نے اپنے ٹوئٹ میں لکھا ہے کہ ریاست میں سیکوریٹی کی صورتحال سنگین ہے۔ دیکھنے سے ایسا معلوم ہوتا ہے کہ سب کچھ ٹھیک ٹھاک چل رہا ہے لیکن اندر سے ایسا ماحول ہے کسی بھی وقت کچھ بھی ہو سکتا ہے۔ انہوں نے کہا کہ مسئلہ یہ ہے کہ ریاست کے ذمہ داران ایمانداری سے فرائض انجام دینے میں کوتاہی برت رہے ہیں جس کی وجہ سے رامپور ہاٹ سانحہ جیسا واقعہ پیش آیا۔
ان کا کہنا ہے کہ وزیر اعلیٰ ممتا بنرجی کو اضافی ذمہ داری کے ساتھ کام کرنا چاہیے تاکہ حالات کو جلد سے جلد قابو میں کیا جا سکے۔ ایسے حالات بنانے کی ضرورت ہے جس سے عام لوگوں کی زندگی محفوظ رہ سکے۔ گورنر جگدیپ دھنکر نے مزید کہا کہ اسمبلی میں اجلاس کے دوران ارکان اسمبلی کے درمیان جو کچھ بھی ہوا اس پر بے حد افسوس ہے۔ عوام کے منتخب نمائندوں کو اسمبلی میں کچھ بھی کرنے سے پہلے غور و فکر کرنے کی ضرورت ہے۔
