داداصاحب ایوارڈ یافتہ بزرگ اداکار سمتراچٹرجی نہیں رہے

بنگلہ فلموں کے مشہور اداکار داداصاحب ایوارڈ یافتہ بزرگ اداکار سمتراچٹرجی کی 85 برس کی عمرمیں کولکاتا کے بیلے ویو کلینک میں علاج کے دوران موت ہو گئی۔

ریاست مغربی بنگال کے دارالحکومت کولکاتا کے ایک پرائیوٹ بیلے ویو کلینک میں زیر علاج بنگلہ فلموں کے مشہور اداکار سمترا چٹرجی کی مختصر علالت کے بعد موت واقع ہو گئی۔

آپ کو بتادیں کہ' سمتراچٹرجی کو گذشتہ ماہ 6 اکتوبر کو بخار اور سانس لینے میں تکلیف کی شکایت پر ہسپتال میں داخل کرایا گیا تھا۔ علاج کے دوران وہ کورونا وائرس مثبت پائے گئے تھے۔ تب سے اب تک وہ پرائیوٹ ہسپتال میں زیر علاج تھے۔

بزرگ اداکار سمترا چٹرجی کی موت پر بنگلہ فلموں کے ساتھ ساتھ بالی ووڈ نے بھی تعزیت کا اظہار کیا۔

تفصیل کے مطابق سمتراچٹرجی کی پیدائش 1935 میں ہوئی۔ وہ ایک ذہین طالب علم تھے سمترا چٹرجی نے سنہ 1959 سےاپنی فلمی کیرئیر کا آغاز کیا اور دیکھتے ہی دیکھتے کامیابیوں کی بلندی پر پہنچ گئے۔

داداصاحب ایوارڈ یافتہ بزرگ اداکار سمتراچٹرجی نہیں رہے

ستمرا چٹرجی نے بھارتی فلموں کے سب سے مشہور فلم ساز ستیہ جیت رے کے ساتھ 14 فلموں میں کام کیا. سمترا چٹرجی نے پاتھر پنچایت، چورولتا، تین کمیا، گھر بارے، دیوی، گاناشترو اور جوئے بابا فیلوناتھ جیسی کامیاب فلموں میں کام کیا۔

داداصاحب ایوارڈ یافتہ بزرگ اداکار سمتراچٹرجی نہیں رہے

ستیہ جیت رے کے علاوہ سمترا چٹرجی نے مشہور فلم ساز میرنال سین کے ساتھ بھی کام کیسمترا چٹرجی اور میرنال سین کی جوڑی کو بنگلہ فلموں میں بے حد کامیابی ملی۔ سمترا چٹرچی کو بنگلہ فلموں میں نمایاں کارنامہ انجام دینے پر داداصاحب پھالکے ایوارڈ سے نوازا گیا۔ اس کے علاوہ انہیں انتردھن، دیکھا اور پدوکھیپ کے لئے تین مرتبہ قومی ایوارڈ سے سرفراز کیا گیا۔ مزید فرانس نے بھی سنہ 1989میں سمتراچٹرجی کو 'لیگون آف آنر' ایوارڈ سے نوازا۔ لیگون آف آنر فرانس کا اعلی شہری اعزاز ہے۔

داداصاحب ایوارڈ یافتہ بزرگ اداکار سمتراچٹرجی نہیں رہے

واضح رہے کہ سمتراچٹرجی کو گذشتہ ماہ 6اکتوبر کو بخار اور سانس لینے میں تکلیف کی شکایت پر ہسپتال میں داخل کرایا گیا تھا علاج کے دوران انہیں کورونا وائرس سے متاثرپائے گئے تھے۔ جس کے بعد آج ان کی موت ہوگئی۔