گورنر جگدیپ دھنکر نے محکمہ موسمیات کے سربراہ سے ملاقات کی اور یاس طوفان سے متعلق مغربی بنگال پر ہونے والے اثر و اس سے نمٹنے کےلیے کئے جارہے انتظامات پر تبادلہ خیال کیا
انہوں نے ٹویٹ کیا کہ ’حالات بہت سنگین ہے، جب تک طوفان بغیر نقصان کسی نقصان کے گذر نہیں جاتا اس وقت تک ہم خاموش نہیں بیٹھ سکتے‘۔ گورنر نے عوام سے احتیاط برتنے اور محکمہ موسمیات کی جانب سے جاری ہدایات پر پوری طرح عمل کرنے کی اپیل کی۔
گورنر نے کہا کہ اس سلسلہ میں وزیراعلیٰ ممتا بنرجی سے بھی وہ رابطہ میں ہیں اور وہ امید کرتے ہیں کہ سب کچھ ٹھیک ہوگا۔
خلیج بنگال میں ہوا کے دباؤ کے سبب بننے والا یاس طوفان 26 مئی کو مغربی بنگال کے ساحلی سے ٹکرانے کا خدشہ ہے۔ واضح رہے کہ گزشتہ سال امپھان طوفان نے ساحلی علاقوں میں زبردست تباہی مچائی تھی جبکہ درجنوں اموات بھی ہوئی تھیں۔ امپھان طوفان کے سبب مشرقی مدنی پور، جنوبی 24 پرگنہ اور شمالی 24 پرگنہ میں زبردست تباہی ہوئی تھی۔
