دھوکہ دہی کے شکار لوگوں نے شکایت کی ہے کہ ایک شخص خود کو ریاستی وزیر ٹرانسپورٹ اور کلکتہ کارپوریشن کے ایڈ منسٹریٹر فرہاد حکیم کا قریبی بتاکر ریاستی حکومت کے مختلف محکمہ بالخصوص کارپوریشن میں نوکری دلانے کے نام روپے لئے ہیں ۔ کاشی پورپولس انتظامیہ نے اس معاملے میں جانچ شروع کردی ہے۔ملزم مفرو ر ہے۔
عبدالقادر نامی ایک بے روزگار نوجوان نے کاشی پور تھانے میں شکایت درج کروائی ہے کہ ایک شخص نے خود کو ریاستی وزیر فرہاد حکیم کا قریبی بتاکر نوکری دلانے کے نام پر اس سے تین لاکھ روپے بطور رشوت لیا ہے ۔جب نوکری نہیں ملنے کے بعد روپے جب واپس مانگے گئے تو اس نے انکار کردیا ہے۔کاشی پور تھانے میں شکایت کرانے کا فیصلہ اس کے بعد کیا گیا ہے۔
یہ بھی پڑھیں: مغربی بنگال جوائنٹ انٹیرینس ٹسٹ کے نتائج کا اعلان
عبدالقادر نےدعویٰ کیا ہےکہ وہ اکیلے نہیں ہیں ، علاقے کے کئی بے روزگار نوجوانوں سے پیسے لیے گئے ہیں۔ مبینہ طور پر ، وہ فرہاد حکیم کے قریب ہونے کا دعویٰ کرتا تھا کہ کہ ترنمول کانگریس کی جانب سے علاقے کے بے روزگار نوجوانوں کو نوکریاں دی جارہی ہیں۔
یو این آئی
