کولکاتا: الیکشن کمیشن نے آج ان قیاس آرائیوں کو ختم کردیا ہے جس میں کہا جارہا تھا کہ کورونا وبا کے خطرات کے پیش نظر آخری تین مراحل کی پولنگ ایک دن میں ہی ہوسکتے ہیں۔ کمیشن کی طرف سے جاری بیان میں، واضح کیا گیا ہے کہ پولنگ کے نظام الاوقات کو کم کرنے کا کوئی منصوبہ نہیں ہے۔ آٹھ مرحلوں میں ہی ووٹنگ ہوگی۔ باقی مراحل کی ووٹنگ کو ایک ساتھ کرنے کا کوئی منصوبہ نہیں۔
بنگال میں کل آٹھ مراحل میں اسمبلی انتخابات ہونے ہیں۔ اس میں سے چار مراحل میں ووٹنگ ہوچکی ہے۔ باقی مراحل کی ووٹنگ 17 اپریل، 22 اپریل ، 26 اپریل اور 29 اپریل کو ہونا ہے۔ پھر نتائج 2 مئی کو آئیں گے۔
10 اپریل کو پولنگ کے چوتھے مرحلے میں تشدد سے سبق لیتے ہوئے الیکشن کمیشن نے ووٹنگ کے پانچویں مرحلے سے قبل بنگال میں 11 مزید پولیس مبصرین کی تقرری کا فیصلہ کیا ہے۔ پہلے ہی 55 پولیس مبصرین موجود ہیں اور پانچویں مرحلے میں 11 دیگر مبصرین کی تقرری کے ساتھ مبصرین کی تعداد بڑھ کر 66 ہو جائے گی۔
ذرائع کے مطابق کمیشن نے ضلع کوچ بہار کے سیتال کوچی میں سنٹرل فورسک کی فائرنگ سے چار افراد کی ہلاکت کے بعد مزید پولیس مبصرین کی تعداد بڑھانے کا فیصلہ کیا ہے۔ اس کے علاوہ 33 جنرل مبصرین اور 16 اخراجاتی مبصرین ہوں گے۔
سیتل کوچی کی طرح کے واقعات دوبارہ نہ ہواس کے لیے کنٹرول روم کو مستعدکرنے کا فیصلہ کا گیا ہے۔ الیکشن کمیشن کے ذریعہ کے مطابق مبصرین کی تعداد میں اضافہ کی وجہ سے ووٹنگ کی عمل کی نگرانی میں مدد ملے گی۔ پہلے مرحلے کی ووٹنگ کے بعد الیکشن کمشین نے پرامن پولنگ کے دعوے کررہے تھے مگر وقت آگے بڑھنے کے ساتھ ساتھ ریاست میں تشدد کے واقعات رونما ہورہے ہیں۔
یواین آئی
