ریاست مغربی بنگال کے کولکاتا شہر میں نئے سال کے موقع پر لوگ اپنے گھروں سے نکل کر تمام تفریحی مقامات پر جشن مناتے ہیں،جس کی وجہ سے بیشتر تفریحی مقامات پر لوگوں کا ہجوم امڈ پڑا۔
تفریحی مقامات پر لوگوں کے ہجوم کو دیکھتے ہوئے جگہ جگہ پر پولس انتظامیہ کی جانب سے لوگوں کو کورونا سے بچنے کی تدابیر سے آگاہ بھی کرتے رہے۔
کورونا کے سبب پولیس کی جانب سے ماسک پہنے کی تلقین کے ساتھ ساتھ لوگوں میں ماسک تقسیم بھی کیا گیا، نئے سال کے موقع پر کولکاتا شہر کے کچھ تفریحی مقامات میں زیادہ ہجوم ہوتا ہے۔
کولکاتا میں ایسے موقع پر سب سے زیادہ ہجوم سنگ مرمر سے بنے وکٹوریہ میموریل پر ہوتی ہے، آگرہ کے تاج محل کے طرز پر اور ملکہ وکٹوریہ کی یاد میں برطانوی حکومت نے وکٹوریہ میموریل کی تعمیر کی تھی۔
اس کے علاوہ کولکاتا کے علی پور میں واقع چڑیا گھر میں بھی آج لوگوں کا ہجوم امڈ پڑا، خاص طور پر سردی کے موسم میں یہاں بہت زیادہ بھیڑ ہوتی ہے، وہیں برلا پلانیٹیرئم میں بھی لوگوں کا ہجوم نظر آیا جس کو تارا منڈل بھی کہتے ہیں۔
پولس کی جانب سے لوگوں کو لگاتار کورونا کے خطرات سے آگاہ کیا جا رہا تھا، وکٹوریہ اور دوسرے مقامات پر پولس کی جانب سے سینیٹائیزر اور ماسک کا انتظام بھی کیا گیا تھا۔
مزید پڑھیں:
