کولکاتا: ممتا بنرجی کی حلف برداری کے بعد وزیرا عظم نریندر مودی نے ٹویٹ کرکے مبارک باد پیش کی۔
وزیر اعظم مودی نے لکھا ہے کہ 'میں ممتا دیدی کو وزیر اعلیٰ کا حلف لینے پر مبارک باد پیش کرتا ہوں۔'
اس ٹویٹ میں بھی انہوں نے ممتا بنرجی کو دیدی کہہ کر مخاطب کیا ہے حالانکہ انتخابی مہم کے دور ان استہزائیہ انداز میں ممتا بنرجی کو دیدی او دیدی کہنے پر وزیر اعظم مودی کی سخت تنقید کی گئی تھی۔
2 مئی کو نتائج آنے کے بعد ممتا بنرجی کو ملک بھر سے سینئر سیاست دانوں جس میں شرد پوار، راہل گاندھی، اروند کیجریوال، شرد یادو، اکھلیش یادو، تیجسوی یادو اور لالو پرساد یادو سمیت متعدد رہنماؤں نے مبارک باد پیش کی تھی۔ شام میں وزیرا عظم نریندر مودی نے بھی ٹویٹ کر کے ممتا بنرجی کو مبارک باد پیش کی مگر ایک دن بعد ممتا بنرجی نے کہا کہ یہ پہلی مرتبہ ہے کہ وزیر اعظم مودی نے فون کر کے مبارک باد پیش نہیں کی ہے۔
یو این آئی
