کلکتہ ہائی کورٹ نے اس سال ریاست کے تمام کلب کو درگا پوجا کے اہتمام کے لئے 50-50 ہزار روپے دینے پر ممتا حکومت سے جواب طلب کیا ہے۔
کلکتہ ہائی کورٹ کے جسٹس سنجیو بنرجی اور ارجیت بنرجی کی بنچ نے عرضی کی شنوائی کے دوران ریاستی حکومت سے جواب طلب کیا کہ' کس بنیاد پر کلبوں کو درگا پوجا کے اہتمام کے لئے 50-50 ہزار روپے د یاگیا ہے۔
انہوں نے کہا کہ' درگا پوجا کے لئے کلبوں کو اتنی بڑی رقم دینے کی ضروری کیا ہے۔ ریاستی حکومت کو اس کی وضاحت کرنے کی ضرورت ہے تاکہ لوگوں کو اس کے بارے میں پتہ چلے۔ ہائی کورٹ نے ریاستی حکومت کو اس ضمن میں جلد از جلد وضاحت کرنی چاہئے۔ کورٹ نے حکومت سے یہ بھی سوال کیا کہ' دوسرے تہواروں کے لئے بھی کلبوں کو رقم دی جائے گئ۔'
مزید پڑھیں:
کولکاتا: سات ماہ بعد ملٹی پلیکس اور سنیما ہال کھلے
ممتا بنرجی کی قیادت والی حکومت نے اب تک اس سلسلے کوئی جواب نہیں دیا ہے۔ ریاستی حکومت نے اس مرتبہ کولکاتا اور اس کے اطراف کے دس سال پرانے کلبوں کو 50-50ہزار روپے دیا ہے ریاستی حکومت کے اس فیصلے پر اپوزیشن نے بھی سخت نکتہ چینی کی ہے۔
