اس موقع پر ممتا بنرجی نے وزیر اعظم نریندر مودی امت شاہ پر شدید نکتہ چینی کرتے ہوئے کہا کہ 'خواتین سب سے زیادہ بنگال میں محفوظ ہیں'۔
دھرمتلہ پہنچ کر ترنمول کانگریس کی سربراہ ممتا بنرجی نے اپنے خطاب میں کہا کہ 'بی جے پی کے رہنما دہلی سے بنگال آتے ہیں اور جھوٹ بول کر یہاں کے عوام کو گمراہ کرتے ہیں۔'
ممتا بنرجی نے کہا کہ بنگال میں خواتین سب سے زیادہ محفوظ ہیں۔ یہاں خواتین بے فکر دیر رات تک گھومتی ہیں۔ یہاں خواتین بڑی تعداد میں نوکریاں کرتی ہیں۔ جبکہ بی جے پی کی اقتدار والی ریاستوں میں خواتین سب سے زیادہ غیر محفوظ ہیں۔'
انہوں نے گجرات اور اتر پردیش میں خواتین کے خلاف ہونے والے جرائم کے اعداد و شمار پیش کرتے ہوئے کہا کہ 'مودی اور شاہ کے گجرات ماڈل میں ان کی ریاستی حکومت کی ہی رپورٹ کے مطابق گذشتہ دو برسوں میں گجرات میں 1944 خواتین کا قتل، 3095 عصمت دری، 4829 اغوا کے معاملے اور 1053 قتل کی کوشش کے معاملے پیش آئے ہیں۔ مودی کے احمدآباد اور ان کی سب سے پسندیدہ ریاست اتر پردیش میں خواتین کی حالت کیا ہے، سب کو پتا ہے۔
مزید پڑھیں: مودی اور ممتا بنرجی کے درمیان حملہ و جوابی حملہ جاری
انہوں نے کہا کہ 'ہم نے جرائم کے کیسز کے لئے 92 فاسٹ ٹریک کورٹ قائم کئے ہیں۔ ہیومن ٹریفکنگ کے خلاف جد و جہد کر رہے ہیں۔ لیکن مودی جی بنگال آکر وزیر اعظم جیسے پر وقار عہدے پر ہونے کے باوجود بے بنیاد اور جھوٹی باتیں کرتے ہیں'۔
