مغربی بنگال کے مرشدآباد ضلع کے شمشیرگنج میں رکن اسمبلی امیرالاسلام نے جلسے کو خطاب کرتے ہوئے ریاستی حکومت کے ترقیاتی منصوبوں کو عوام تک پہنچانے کے عزم کا اظہار کیا۔ جلسے کو خطاب کرتے ہوئے رکن اسمبلی امیرالاسلام نے کہا کہ ریاستی حکومت کے تمام ترقیاتی منصوبوں کے سہارے مرشدآباد ضلع بالخصوص شمشیرگنج اسمبلی کا نقشہ بدلنے کا ہدف ہے۔ رکن اسمبلی امیر الاسلام نے کہا کہ حکومت کے تمام ترقیاتی منصوبوں کو عوام تک پہنچانے کی کوشش تیز کر دی گئی ہے۔ تمام متعلقہ اداروں کو اس کے لئے ہدایت جاری کر دی گئی ہے۔
یہ بھی پڑھیں:
- Firhad Hakim: چند لوگ بنگال کو بدنام کرنے کی سازش میں مصروف ہیں
انہوں نے کہا کہ رمضان المبارک کے مہینے میں بھی ترقیاتی منصوبوں سے عوام کو جوڑنے کا کام کے لئے کیمپ کا انعقاد کیا جا رہا ہے۔ کیمپ کے دوران لوگوں کو افطار کا بھی انتظام کیا جاتا ہے۔ ان کا کہنا ہے کہ رمضان المبارک کے مہینے میں جو لوگ روزہ رکھ کر کیمپ میں آتے ہیں ان کے لئے خصوصی انتظامات کئے جا رہے ہیں۔ رکن اسمبلی امیرالاسلام نے کہا کہ لکشمی بھنڈار،کنیا شری، اکھائے شری سمیت دیگر ترقیاتی منصوبوں کے لئے عام لوگ کیمپ میں آتے ہیں۔
