علی پور محکمہ موسمیات نے ریاست مغربی بنگال کے مختلف اضلاع میں اگلے 72 گھنٹوں تک تیز ہواؤں کے ساتھ بارش کی پیش گوئی کی گئی ہے۔ آج صبح سے دارالحکومت کولکاتا، شمالی 24 پرگنہ، جنوبی 24 پرگنہ اور ہوڑہ سمیت مختلف اضلاع میں گزشتہ شب سے ہی بارش ہو رہی ہے۔
علی پور محکمہ موسمیات دفتر کے مطابق ریاست میں یاس نامی طوفان کے بعد ہگلی ندی میں ہواؤں کا دباؤ بننے کے بعد ایک اور طوفان کے آنے کا خدشہ پیدا ہوگیا ہے۔ اس کے سبب موسم پر بھی اس اثر پڑا ہے۔
موسم میں اچانک آئی تبدیلی کا خلیج بنگال سے متصل اضلاع پر کافی خطرناک اثر دیکھائی دینے لگا ہے. جنوبی 24 پرگنہ پر اس کا سب سے زیادہ اثر پڑ سکتا ہے۔ انہوں نے کہا کہ ریاست میں 72 گھنٹوں کے اندر اندر ہی مانسون کی آمد ہو سکتی ہے۔ عموماً 15 جون کے بعد ہی بنگال میں مانسون کی آمد ہوتی ہے لیکن اس مرتبہ تھوڑی جلدی ہوسکتی ہے۔
انہوں نے مزید کہا کہ کیرالہ اور مہاراشٹر میں مانسون کی آمد ہو چکی ہے۔ اس کے بعد بنگال میں پہنچنے میں تین سے چار دنوں کا وقت لگ سکتا ہے۔
واضح رہے کہ گزشتہ ماہ 26 مئی کو یاس نامی طوفان کے سبب خلیج بنگال سے متصل اضلاع میں کافی زیادہ نقصان ہوا تھا۔ اس کا موسم پر بھی گہرا اثر پڑا ہے۔ ہگلی ندی میں ہواؤں کے دباؤ کا دائرہ بڑھتا جا رہا ہے، اس کے سبب بنگال میں ایک اور طوفان آنے کا امکان ہے۔
