اس سلسلے میں آج انہوں نے مغربی بنگال کے مرشد آباد کے بہال نگر گاؤں پہنچ کر ہلاک ہونے والے مزدوروں کے اہل خانہ سے ملاقات کی اور ان سے ہمدردی کا اظہار کیا۔
اس موقعے پر انہوں نے صحافیوں سے خطاب کرتےہوئے کہا کہ' جو لوگ ہلاک ہوئے وہ تو معصوم تھے، سارے مزدور دفعہ 370 اور 35 اے کے تعلق سے لا علم تھے، انہیں نہ تو کشمیر کے مسئلہ کا علم ہے اور نہ ہی قومی مسائل سے ہی انہیں واقفیت ہے اور نہ ہی وہ اقوام متحدہ کے بارے میں کچھ جانتے ہیں۔ انہیں جہاں روزگار ملا وہ لوگ وہاں روزی روٹی کمانے کے لیے چلے گئے'۔
انہوں نے کہا کہ' ہلاک ہونے والے شوقیہ طور پر کشمیر نہیں گئے تھے، وہ لوگ روزگار کے لیے کشمیر گئے ، جو لوگ کشمیر گئے تھے وہ مزدو طبقے سے تعلق رکھتے تھے ان میں کوئی ڈاکٹر یا انجینیئر نہیں تھا'۔
اس موقعے پر انہوں ممتا بنرجی اور وزیر اعظم مودی کے بیانات پر سخت تبصرہ کرتے ہوئے کہا کہ' آپ اپنے بیانات اپنے پاس رکھیئے ملک میں جو کچھ ہورہا ہے وہ کسی سے ڈکھا چھپا نہیں ہے۔ عوام سب دیکھ رہی ہے'۔
ایک سوال کے جواب میں انہوں نے کہا کہ' میں اپوزیشن رہنما کے طورپر نہیں بلکہ جو دیکھ رہا ہوں وہی بول رہا ہوں، مجھے معصوم بچے روتے بلکتے نظر آ رے رہے ہیں میں یہاں سیاست کرنے نہیں آیا ہوں'۔
