مغربی بنگال اسمبلی کے چھٹے مرحلے کی پولنگ کے دوران خصوصی طور شمالی 24 پرگنہ کے متعدد اسمبلی حلقوں کے کئی مقامات پر پر تشدد واقعات رونما ہوتے رہے۔ کھردہ ٹیٹاگڑھ حالی شہر اور نئی ہٹی میں بم دھماکے اور جھڑپیں ہوتی رہیں۔
پولنگ سے سے ایک روز قبل ہی بیرکپور اسمبلی حلقہ کے ٹیٹا گڑھ میں بم دھماکے ہوئے تھے، جس میں ایک شخص کی موت ہوگئی تھی۔ آج پولنگ دوران بھی ٹیٹاگڑھ کے وارڈ 22 اور 14 نمبر وارڈ ایک بار پھر بڑے پیمانے اور بم دھماکے ہوئے جس کے نتیجے میں چھ لوگ زخمی ہوئے گئے۔ جن کو بی این بوس ہسپتال میں داخل کرایا گیا۔
اس کے علاوہ ٹیٹا گڑھ کے ملن گڑھ میں بھی بم دھماکے ہوئے۔ بی جے پی کی طرف سے الزام لگایا گیا ہے کہ ترنمول کانگریس کے شر پسندوں نے بم دھماکے کی واردات کو انجام دیا ہے۔ تاہم ترنمول کانگریس کی طرف سے اس سلسلے میں ابھی تک کوئی رد عمل سامنے نہیں آیا ہے۔
شمالی 24 پرگنہ کے ٹیٹا گڑھ میں آج مختلف مقامات پر وقفے وقفے سے بم دھماکے کی واردات ہوتی رہی۔ وہیں دوسری جانب کچھ علاقوں میں پر امن طور پر پولنگ جاری رہیں بڑی تعداد میں لوگوں کی قطاریں نظر آئیں۔
