ریاست بہار کے ضلع کیمور میں سڑک حادثہ کے دوران ایک خاتون کی موت ہوگٸ، حادثے کی وجہ سے مشتعل عوام نے ہاٹا۔مہادائچ رابطہ سڑک کو بلاک کرکے گھنٹوں احتجاج کیا۔
حادثہ اور سڑک بلاک کرنے کی اطلاع موصول ہوتے ہی مقامی رکن اسمبلی زماں خان، سرکل افسر پریندر کمار، بلاک ڈولپمنٹ افسر راجیش کمار اور چین پور پولیس اسٹیشن افسر ادئے بھان سنگھ جائے حادثہ پر پہنچ کر مشتعل عوام کو سمجھانے کی کوشش کی، بالآخر افسران کی جانب سے چار لاکھ سرکاری معاوضے کی یقین دہانی کے بعد بلک سڑک کو مشتعل عوام سے خالی کرایا گیا۔
ذرائع کے مطابق یہ حادثہ چین پور پولیس اسٹیشن علاقہ کے ہاٹا مہادائچ شاہراہ پر پیش آیا، جب چین پور کے سربٹ گاٶں کی چالیس سالہ رہائشی اوشا دیوی اپنی بیٹی کے سسرال داماد اور بیٹی سے ملاقات کرنے جارہی تھی۔
مکر سنکرانتی تہوار کے موقع پر اپنے ہی گاٶں کے ایک لڑکے کے ساتھ بائک سے جا رہی تھی، تبھی ہاٹا مہادائچ لنک روڈ پر ایک ٹریکٹر سے تصادم ہونے کی وجہ سے موقع پر ہی خاتون کی موت ہوگئی اور بائک ڈرائیور زخمی ہوگیا۔
