بتایا جارہا ہے کہ ملزم راجیش کمار سپول ضلع کے بیلا گنج گاؤں کا رہنے والا ہے، اس بابت صحافیوں سے بات چیت کرتے ہوئے ارریہ کی ایس پی دھورت سائلی نے بتایا کہ ارریہ پولس نے ایک بڑی کامیابی حاصل کی ہے اور محض 72 گھنٹے کے اندر ہی ملزم کو گرفتار کر اسے جیل بھیج دیا گیا ہے
ایس پی دھورت سائلی نے بتایا کہ 'ملزم شخص نرپت گنج حلقہ کے ایک گاؤں میں چھیکا کے پروگرام میں آیا تھا، اسی پروگرام میں سپول ضلع کے ایک گاؤں کی بچی بھی اپنے اہل خانہ کے ساتھ آئی ہوئی تھی، شام کے وقت ملزم شخص نے پانی منگوا کر پیا، کچھ دیر بعد بچی رفع حاجت کے لئے گھر کے پیچھے کھیت میں گئی تھی، اسی درمیان بچی کا پیچھا کر ملزم نے بچی کو ایک کیلو میٹر دور مکئی کے کھیت میں لے گیا اور اس کے ساتھ جنسی زیادتی، بعد میں ثبوت مٹانے کی غرض سے بچی کا قتل کر دیا۔
ایس پی کے مطابق پوسٹ مارٹم رپورٹ میں بھی اس بات کا پتہ چلا ہے کہ بچی کے قتل سے قبل اس کے جنسی زیادتی کی گئی تھی، اس پی ارریہ کے مطابق ملزم کو اس کے گھر سے ہی گرفتار کیا گیا ہے جس کے بعد ملزم نے خود اپنا گناہ قبول کیا۔
