پروگرام کا آغاز ضلع کلکٹر بیجناتھ یادو نے کیا جبکہ ارریہ صدر ہسپتال کے سول سرجن ڈاکٹر سریش پرساد سنہا نے ضلع کلکٹر بیجناتھ یادو کا استقبال کیا، اس موقع پر ضلع بھر سے آئی آشا ملازمین و صدر ہسپتال کے عہدے داران موجود تھے۔ یہ مہم 11 جولائی سے 24 جولائی تک چلے گی۔
پروگرام سے خطاب کرتے ہوئے ضلع کلکٹر بیجناتھ یادو نے کہا کہ صحت ماں کے ساتھ صحت مند بچہ اسی وقت ہوگا جب لڑکیوں کی صحیح عمر میں شادی ہو۔
عام طور پر دیکھا جارہا ہے کہ لڑکیوں کی اچھی خاصی عمر نکل جاتی ہے مگر والدین اس جانب غفلت برتتے ہیں، یہ قطعی مناسب نہیں، اگر وقت پر ان کی شادی نہ ہو اس کا اثر آنے والے ان کے بچے پر بھی ہوگا۔ اس لیے شادی کی عمر لڑکے کے لیے 21 سال و لڑکی کی 18 سال پر ہی والدین عمل کریں، ضلع کلکٹر نے کہا کہ شادی کے بعد پہلا بچہ کم از کم دو سال بعد ہو اور دو بچوں کے درمیان کم از کم تین سال کا وقفہ ہو تبھی آپ خوش حال خاندان کہلائیں گے اور خوش حال رہیں گے۔
ہمارے ملک میں لگاتار بڑھ رہی آبادی پر بھی سوچنا ہوگا، اگر بڑھتی آبادی پر روک نہیں لگائی گئی تو ایک وقت میں بہار بھارت سب سے زیادہ آبادی والا ریاست ہوگا۔ اس لیے اس پر کنٹرول کے لیے چاہئے کہ فیملی پلاننگ منصوبہ کو اپنائیں۔
محکمہ صحت ارریہ کے ضلع پروگرام آفیسر ڈاکٹر ریحان اشرف نے کہا کہ بڑھتی آبادی کا بھاڑ سماج کے ساتھ ماحولیات پر بھی ہو رہا ہے، آج بھارت میں بڑھتی آبادی کے تناسب میں ایک ہزار شخص پر ایک درخت ہے اور بہار میں ہر ایک کیلو میٹر پر 881 لوگوں کی آبادی ہے، اگر چھوٹا خاندان ہوگا تو اس کی دیکھ بھال اچھے طریقے سے ہو سکیں گے۔ بچوں کی اچھی تعلیم اور سماج کو بہتر بنایا جا سکے گا، سول سرجن ڈاکٹر سریش پرساد سنہا نے کہا کہ اس وقت بھارت کی آبادی کا تناسب 2.3، بہار کا 3.3 اور ارریہ ضلع کا 4.4 ہے جو قابل فکر ہے۔
